СПЕЦИАЛИЗИРОВАННЫЙ ЛИЦЕЙ
ПРИ УНИВЕРСИТЕТЕ ГРАЖДАНСКОЙ ЗАЩИТЫ
МЧС РЕСПУБЛИКИ БЕЛАРУСЬ

  • 8 (0232) 99-35-06
  • 8 (0232) 99-35-05
  • info@liceymes.by
CSS Validity Центр безопасности CSS Validity Как стать лицеистом CSS Validity Круглосуточные
номера МЧС

Лицей МЧС

Жизнь - Отечеству! Сердце - Людям! Честь - Никому!

Торжественная клятва в Лицее МЧС

Мероприятие, посвященное принятию Торжественной Клятвы учащимися первого курса.

Соревнования по пожарно-спасательному спорту

Лицей МЧС готовит чемпионов мира по пожарно-спасательному спорту

Выпуск 2018!

В Лицее МЧС прошел одиннадцатый выпуск учащихся

Главная

Апраўдалі давер (Настаўніцкая газета)

1У аўторак у мемарыяльнай зале Перамогі Беларускага дзяржаўнага музея гісторыі Вялікай Айчыннай вайны прайшло ўрачыстае аб’яўленне Падзякі ад Прэзідэнта Рэспублікі Беларусь Галоўнакамандуючага Узброенымі Сіламі А.Р.Лукашэнкі навучэнцам кадэцкіх вучылішчаў і спецыялізаваных ліцэяў Міністэрства ўнутраных спраў і Міністэрства па надзвычайных сітуацыях — удзельнікам ваеннага парада войскаў Мінскага гарнізона, прысвечанага Дню Незалежнасці Рэспублікі Беларусь.

 

3 ліпеня гэтыя юнакі запомняць на ўсё жыццё. Менавіта ім, выдатнікам вучобы, ваеннай і фізічнай падрыхтоўкі, быў дадзены гонар першымі прайсці ў калоне ваеннага парада. Дарэчы, адбылося гэта ўпершыню за шматгадовую традыцыю правядзення парадаў з нагоды галоўнага дзяржаўнага свята. Таму 2018 год, безумоўна, увойдзе ў гісторыю кадэцкай адукацыі краіны. За тым, як кадэты спраўна маршыравалі, назіралі не толькі тысячы мінчан і гасцей сталіцы, якія запоўнілі святочныя трыбуны, але і сотні тысяч тэлегледачоў. Асаблівы гонар адчувалі сваякі, блізкія, сябры, знаёмыя будучых афіцэраў, будучай эліты нашай арміі. Аднак, як справядліва адзначыў падчас аб’яўлення Падзякі міністр адукацыі Ігар Васільевіч Карпенка, за параднай выпраўкай кадэтаў стаяць не толькі тыдні, але і месяцы трэніровак, заняткаў на пляцы. Сіла волі кадэтаў, іх жаданне быць лепшымі, падтрымка і высокі прафесіяналізм афіцэраў і педагогаў, якія заўсёды побач і аказваюць любую неабходную дапамогу, прыносяць станоўчы вынік. Юнакі годна выканалі задачу, пастаўленую перад імі дзяржавай, апраўдалі высокі давер.

— Наша сустрэча нездарма праходзіць у Беларускім дзяржаўным музеі гісторыі Вялікай Айчыннай вайны. Мы, беларусы, заўсёды будзем помніць, якой цаной аплачаны наш мір, наша спакойнае жыццё. Дзякуючы мужнасці нашых бацькоў і дзядоў, якія заваявалі Вялікую Перамогу, у нас ёсць магчымасць жыць у мірнай, спакойнай краіне, вучыцца, выбіраць прафесію і быць упэўненымі ў заўтрашнім дні. Святы абавязак кожнага беларуса — захоўваць памяць пра гэты вялікі подзвіг. Беларусь мае багатую гісторыю, важнай вяхой якой з’яўляецца Вялікая Айчынная вайна. Вельмі важна, пакуль яшчэ жывыя ветэраны, сведкі Вялікай Айчыннай вайны, збіраць іх успаміны і беражліва перадаваць з пакалення ў пакаленне, ад бацькоў да дзяцей. Важна, каб гераічнае мінулае заставалася часткай нашага жыцця. Захоўваючы яго, мы закладваем трывалую аснову сувязі з будучымі пакаленнямі, выхоўваем маладых людзей на прыкладзе дзядоў, прадзедаў, у духу сапраўднага патрыятызму і павагі, любові да Радзімы, — паведаміў Ігар Васільевіч Карпенка.

Сапраўдныя патрыёты, якія паважаюць і любяць Радзіму, — гэта яны, сённяшнія кадэты, заўтрашнія афіцэры. “Права прайсці ў парадным страі перад народам Беларусі прадастаўляецца не кожнаму. Упэўнены, што сёння тут знаходзяцца лепшыя сыны Беларусі. Вы паспрабавалі нялёгкі салдацкі хлеб, няхай і маленькую яго часцінку, адчулі, што ён бывае чэрствым, часам горкім ад поту, але вы цудоўна справіліся з пастаўленай перад вамі задачай падчас падрыхтоўкі і правядзення ваеннага парада”, — адзначыў памочнік міністра абароны па ідэалагічнай рабоце ва Узброеных Сілах, начальнік галоўнага ўпраўлення ідэалагічнай работы Міністэрства абароны, палкоўнік Леанід Віктаравіч Касінскі.

Акрамя юнакоў, узнагароды атрымалі і іх педагогі. Загадам міністра адукацыі за высокі ўзровень падрыхтоўкі навучэнцаў да парада войскаў Мінскага гарнізона і ў азнаменаванне Дня Незалежнасці Рэспублікі Беларусь каштоўнымі падарункамі былі ўзнагароджаны выхавальнікі Віцебскага кадэцкага вучылішча Віктар Мікалаевіч Атаманчук і Валерый Станіслававіч Гецэвіч, начальнік Спецыялізавага ліцэя пры Універсітэце грамадзянскай абароны МНС Рэспублікі Беларусь Аляксей Георгіевіч Дашкевіч і выхавальнік Мінскага гарадскога кадэцкага вучылішча № 2 Аляксандр Юр’евіч Кузьмін.

— Выхаванне кадэтаў — гэта асаблівы працэс, бо тыя, хто прыходзіць да нас вучыцца, хочуць стаць ваеннымі, разумеюць сваё прызначэнне, шукаюць свой шлях у ваеннай структуры. Наша задача — перафарміраваць кожнага з іх як чалавека грамадзянскага ў чалавека ваеннага, надзяліць якасцямі, якія вылучаюць сапраўднага афіцэра. Гэта адказнасць, мужнасць, сумленнасць. У парадзе ўдзельнічалі лепшыя з лепшых навучэнцаў вучылішча. Гэтае права яны заслужылі і вучобай, і дысцыплінай, і фізічнай падрыхтоўкай, — падзяліўся Аляксандр Юр’евіч Кузьмін.

Навучэнцы кадэцкіх вучылішчаў і спецыялізаваных ліцэяў Міністэрства ўнутраных спраў і Міністэрства па надзвычайных сітуацыях сёлета ўпершыню прынялі ўдзел у ваенным парадзе з нагоды Дня Незалежнасці Рэспублікі Беларусь. Няхай гэты яркі ўдзел стане добрай традыцыяй.

 1 1 1

 

Навигация по сайту

Авторизация