Для кожнага жыхара Беларусі першы тыдзень верасня – асабліва святочны, таму что мы адзначаем вельмі значнае ў нашым духоўным жыцці свята – Свята Слова, Дзень беларускага пісьменства.
З мэтай паглыблення ведаў вучняў пра гістарычны шлях пісьменства і друку ў Беларусі ў Ліцэі МНС адбылося пазакласнае мерапрыемства “Крокі па зямлі беларускай”. На свята да ліцэістаў завітаў майстар беларускага слова, старшыня Гомельскага абласнога аддзялення Саюза пісьменнікаў Беларусі Уладзімір Мікалаевіч Гаўрыловіч, які з’еўляецца аўтарам 26 кніг прозы і публіцыстыкі. У 2014 годзе публіцыст і драматург Гомельшчыны быў ўзнагароджаны медалём Францыска Скарыны. Яго асобныя творы перакладзены на рускую і ўкраінскую, нямецкую і англійскую мовы.
Уладзімір Мікалаевіч падкрэсліў, што беларускі народ мае продкаў, чыя дзейнасць складае цэлыя эпохі ў культурным жыцці краіны. Наша зямля нарадзіла Ефрасінню Полацкую і Кірыла Тураўскага, Міколу Гусоўскага і Францыска Скарыну, Янку Купалу і Якуба Коласа… Кожнае імя, што захавала гісторыя, мы павінны ведаць і шанаваць, бо ў гэтым – аснова нашай чалавечай годнасці, з гэтага пачынаецца клопат пра дзяржаву, пра яе культуру, маральнасць і духоўнасць.
< Предыдущая | Следующая > |
---|