9 снежня… Здаецца, такая ж дата, як і ўсе астатнія. Але не будзем спяшацца. Сёння спаўняецца 130 год з Дня нараджэння паэта, празаіка, перакладчыка, літаратурнага крытыка, гісторыка і тэарэтыка літаратуры, публіцыста Максіма Адамавіча Багдановіча. Паэзія Максіма Багдановіча ўвайшла ў духоўную скарбніцу беларускага народа. Яна ўплывае на развіццё беларускай паэзіі і сёння, асабліва сваім глыбокім, пранікненнем у духоўны свет чалавека і высокай культурай паэтычнага слова.
У гонар Максіма Багдановіча ў бібліятэцы ліцэя была арганізавана выстава кніг. Настаўнікі расказалі вучням аб ролі і значэнні Максіма Багдановіча ў развіцці беларускага пісьменства, цікавым было паслухаць і пра невядомыя факты з жыцця паэта. Вельмі займальным і пазнавальным стала для ліцэістаў разгадванне чайнворда “Максім Багдановіч: жыццё і творчасць”. Прагляд кароткаметражнага відэафільма “Вяртанне дадому”, чытанне вершаў несумненна пашырыла веды вучняў пра асобу Максіма Багдановіча і падтрымала цікавасць да творчай спадчыны паэта.
< Предыдущая | Следующая > |
---|