На календары – снежань, а ў Ліцэі – інтэлектуальны квіз, прысвечаны 90-годдзю з дня нараджэння І. Чыгрынава, самадданага і неардынарнага мастака слова.

12 снежня вучні другога курса ў займальнай форме паказалі свае веды пра народнага пісьменніка Беларусі і больш дэталёва даведаліся пра нялёгкі лёс творцы, дзяцінства і юнацтва якога трапіла на цяжкія ваенныя і пасляваенныя гады.

Вучні актыўна ўключыліся ў гульню, адказы давалі дакладныя і трапныя, спяшаліся падзяліцца інфармацыяй. Усе каманды паказалі сталыя веды пра жыццёвы і творчы шлях пісьменніка. А самыя яркія і поўныя адказы гучалі ад каманды вучняў 2 курса 3 узвода. Яны і сталі пераможцамі!

Хвіліны квіза праляцелі вельмі хутка, шкада было расставацца, але наперадзе вучняў чакаюць новыя сустрэчы з творчасцю І. Чыгрынава.