У календары ёсць такое свята – Міжнародны дзень роднай мовы, які адзначаецца штогод 21 лютага. Роднае слова – люстэрка культуры народа, яго духоўнае аблічча. Мова – наша спадчына, якую мы атрымалі ад бацькоў і павінны перадаць наступным пакаленням.

21 лютага пачаўся ў ліцэі са святочнага разводу, дзе вучні другога курса Малейка Ілья, Северанюк Дзяніс і Шлык Дзяніс на роднай мове павіншавалі ўсіх прысутных са святам, расказалі пра яго гісторыю ўзнікнення. З мэтай стварэння умоў для пашырэння і ўзбагачэння слоўнікавага запасу вучняў, развівацця кемлівасці, пачуцця слова і выхоўвання цікавасці да мовы для ліцэістаў была праведзена інтэктуальная гульня "Я – беларус, і мова мая – беларуская!" У працэсе гульні вучні адказвалі на цікавыя пытанні пра родную мову, слухалі песні на беларускай мове і называлі аўтараў яе слоў. Асабліва цікавым быў раўнд "Этнаграфічны", які складаўся з пытанняў пра нацыянальную вопратку беларусаў і побыт. У апошнім заданні трэба было выразна расказаць верш пра беларускую мову. У выніку перамогу атрымала каманда 5 курса.