На календары – лістапад, а ў Ліцэі – інтэлектуальны квэст, прысвечаны 95-годдзю з дня нараджэння У. Караткевіча, самаадданага і неардынарнага мастака слова.

28 лістапада вучні першага і другога курсаў у займальнай форме паказалі свае веды пра пісьменніка Беларусі і больш дэталёва даведаліся не толькі пра нялёгкі лёс творцы, дзяцінства і юнацтва якога трапіла на цяжкія ваенныя і пасляваенныя гады, але і зазірнулі ў самыя таемныя куткі яго творчасці.

Вучні актыўна ўключыліся ў гульню, адказы давалі дакладныя і трапныя, спяшаліся падзяліцца інфармацыяй. Усе каманды паказалі сталыя веды пра жыццё беларусаў і рысы іх характару, пра адметнасці беларускай вёскі, пра гастранамічныя прыхільнасці беларусаў. А самыя яркія і поўныя адказы гучалі ад каманд "Радзімічы" і "Літаратураведы". Яны падзялілі першае месца і сталі пераможцамі!

Хвіліны квэста праляцелі вельмі хутка, шкада было расставацца, але наперадзе вучняў чакаюць новыя сустрэчы з творчасцю У. Караткевіча.